Mi seguro

Gastunan inesperá

Un entiero kasi semper ta inesperá. Esei ta nifiká ku tin ku regla hopi kos den korto tempu i si bo no ta bon sigurá bo gastunan por akumulá drástikamente. Lastimamente hopi famia no por kumpli ku deseonan di nan ser keri pa motibu di gastunan inesperá. E suma mínimo ku por sigurá ta 4.000 florin, pero komo ku gastu di entiero ta subi den transkurso di tempu, nos ta konsehábu pa kuminsá ku un suma mas haltu, òf subi’é despues di tempu.

Deseonan di kada hende ta diferente. ENK ta invitábu pa bishitá nos ofisina òf pasa serka un di nos konseheronan di seguro pa risibí un splikashon detayá di e diferente opshonnan, sumanan sigurá I kantidat di prima. ENK ta traha bo pólisa i bo por kuminsá paga bo prima mensual. Pa tene e prima mensual mas abou posibel, nos ta konsehábo hasi pago outomátiko via banko òf serka nos na ofisina. Tambe por duna nos un outorisashon pa kobra bo prima via di SOAW.

Ademas, pa bo komodidat nos ta ofresé un servisio èkstra di kobransa mensual na kas. Ora bo fayesé, bo famia por pasa na ofisina di ENK ku e pólisa di seguro i e akta di fayesimentu. ENK ta duna nan un karta di garantia na balor di e suma sigurá. Ku e karta ei nan por akudí mesora na El Tributo, ku lo sòru pa un entiero òf kremashon digno, bunita i segun bo mes deseonan.